CLEMENS V

CLEMENS V.

Vasco, prius Bertrandus Agoutius,

Archiepiscopus Burdigalensis, successit Benedicto XI. Post undecim mensium dissensionem, A. C. 1305. coronatus Lugduni, ubi muri ruinâ Iohanues Dux Britanniae, Galliardus Papae frater, etc. oppressi, Philippus Pulcher et Carolus Valesius, laesi: diadema Pontisici excussum est, ingentis pretii gemmâ amissâ. Hic sedem Papalem Româ Avenionem transtulit, ubi per 72. postmodum ann. mansit. Franciscum Dandulum, Venetorum Ducem, qui excommunicationem deptecaturus venerat, ad pedes suos provolutum, canis instar, ferreâ catenâ revinctum, subrer mensam suam iacere est passus. Mox Viennae Coneiliô indictô excidium Templariorum decretum, crux in Valdenses assumpta, Reformatio Ecclesiae, sed frustra, tentata. Tandem, a Iacobo Burgundione, Ordinis Templariorum principe, Lutetiae cremandô, ad Dei tribunal citatus, dictâ die 40. decessit, cum paulo ante nepotem suum, quem multum diligebat sensualiter, Magô quôdam sacris operante, in locis inferni cruciati vidisset. Libri Clementinarum congestor, Ioh. Balaeus, Clem. V. P. Aemylius, l. 8. Drexelius, in tribunali, l. 2. c. 2. etc. Vide et Morn. myst. iniq. p. 965. Eum Excepit Iohannes XXIII.